Зерттеудің теориялық және практикалық маңызы: Қазақ тіліндегі стиль түрлерінде қолданылатын фразеологизмдердің арнайы зерттелуі қазақ фразеологиясының теориясына, атап айтқанда семантикалық категориялары мен тақырыптық-мағыналық топтарын жан-жақты саралап талдауда белгілі бір дәрежеде бағыт-бағдар береді. Фразеологизмдерді ресми стильде, ғылыми стиль туындыларында, публицистикалық стильде: баспасөз материалдарында, радио-теле хабарларда, көркем әдебиет шығармаларында және қарапайым ауызекі сөйлеу стилінде де қолдануға болады. Зерттеудің ғылыми жаңалығы: Кез келген стиль контексінде фразеологизмдердің кездесетіндігі нақты мысалдармен дәлелденіп көрсетілді. Зерттеу әдістері: Зерттеу жұмысында салыстырмалы-типологиялық, педагогикалық бақылау, эмпирикалық, эксперименталды-теориялық әдістер қолданылды.